Dari Si Pitung sampe Si Manis Jembatan Ancol: Jangan Sampe Folklor Betawi Ini Ilang Ditelen Jaman!
Sape yang kagak kenal Si Pitung? Atawe cerita Si Manis Jembatan Ancol yang bikin merinding tiap kali diceritain emak ke anaknye jaman dulu? Cerita-cerita rakyat Betawi kayak gini udeh jadi bagian dari idup kite dari kecil, Bang, Neng.
Tapi masalahnye, folklor Betawi sering cuma dianggep sebagai "cerita jaman dulu" doang. Diceritain sekali-sekali pas ada acara budaya, abis itu dilupain lagi. Padahal folklor bukan cuma dongeng pengantar tidur, tapi nyimpen nasehat, nilai, dan identitas orang Betawi.
Untungnye, sekarang mulai banyak yang sadar soal ini. Ada pelatihan-pelatihan yang ngajak anak muda buat ngulik ulang folklor Betawi, trus diubah jadi cerita baru yang lebih deket sama jaman sekarang. Bukan diceritain ulang plek-ketiplek, tapi diambil "ruh" ceritanye aje.
Soalnye kalo dipikir-pikir, bahan cerita Betawi tuh deket banget sama kite: tradisi, kebiasaan, benda-benda lama, sampe cerita rakyat yang udeh turun temurun. Semuanye bisa jadi bahan bakar buat lahirin karya-karya baru dari generasi sekarang.
Jadi jangan cuma bilang "dulu orang Betawi punye cerita ini," tapi cobain bikin versi lu sendiri. Soalnye sastra lisan Betawi nyimpen ingetan dan nilai budaya yang bisa ilang kalo makin jauh dari generasi muda. Yuk, jangan biarin folklor Betawi cuma jadi cerita lama yang kelupaan.
Posting Komentar