Musuh Jangan Dicari, Kalo Dateng Jangan Lari: Karakter Asli Orang Betawi
Ada satu prinsip idup yang udeh mendarah daging di kalangan orang Betawi dari jaman baheula sampe sekarang: musuh jangan dicari, tapi kalo musuh dateng jangan lari. Kedengerannya simpel, tapi kalimat ini nyimpen filosofi idup yang dalem banget, Bang, Neng.
Orang Betawi tuh dikenal ramah, gampang bergaul, dan seneng hidup damai sama sape aje. Kagak demen cari ribut, kagak demen bikin masalah ame tetangga apalagi ame orang laen. Selama masih bisa dibae-baein, ya dibae-baein aje. Hidup baik sama orang laen itu bukan tanda lemah, tapi tanda punye akal sehat.
Tapi jangan salah sangke. Woles bukan berarti bisa diinjek-injek. Kalo emang udeh kepepet, udeh dijahatin, atau udeh diusik macem-macem, sifat asli orang Betawi bakal kluar: berani, tegas, kagak taku ngadepin apa aje. Prinsipnye, seri aje ogah, apalagi sampe kalah.
Nah, keseimbangan antara ramah tapi tegas inilah yang bikin karakter Betawi unik. Bukan tipe yang doyan nyari gara-gara, tapi juga bukan tipe yang mau diinjek tanpa ngelawan. Baba-baba jaman dulu sering wejangin anak-cucunye biar sabar bunder-bunder, tapi tetep punye harga diri.
Makanya kalo ketemu orang Betawi yang kelewat santai, jangan salah paham dulu. Itu bukan takut, tapi emang pembawaannye emang tenang. Tapi inget, jangan coba-coba nguji kesabarannye, soalnye begitu batesnye kelewatan, keluar dah jurus aslinye. Begitulah Betawi, adem tapi kagak bisa dianggep enteng.
Posting Komentar